Спанаќ по рецепт на баба ми
Состојки
- 1кг спанаќ
- 500гр мелено телешко месо
- 1 голема главица кромид
- 2-3 моркови
- 1/2 шоља ориз
- 100гр доматно пире
- 1 голема лажица сол
- 2 мала лажичка мешан сув зачин
Подготовка
Ова е моето омилено јадење што го научив од мојата баба, кога бев мала и одев на гости кај неа ми го спремаше за ручек, па затоа решив да го споделам со вас.
1. Спанаќот се чисти од рачките, се мие и се дроби со раце.
2. Кромидот се сецка и се динста на малку вода во керамичката тава на Делимано, потоа се додава ситно сецканиот морков, па потоа месото. Се додаваат зачините по желба.
3. Кога ќе омекне и месото се додава постепено и спанаќот. Се меша да се соединат состојките и на крај се додаваат оризот и доматното пире.
4. Смесата се става во тава и се полива со загреана вода и се пече во загреана рерна на 200Ц околу 30мин додека не испари водата.
Се служи со кисело млеко.