Витаминска крем чорба
Состојки
- 2 големи лупени компири
- 1 страк праз
- 1 главица кромид
- 1 корен пашканат
- 1-2 тенки кругови ќеравис
- 1-2 парченца лук
- 1 коцка за супа од зеленчук
- 2-3 лажици балсамик киселина,црн пипер
- 1кг. вода
- 5 лажици маслиново масло
Подготовка
Како идеална во тековниот период ја сметам крем чорбата, прво за прочистување на организмот од празнична храна, второ ова е сезона на настинки, пробајте ја......
Во сад со вода се варат компирите, пашканатот-сечкан, керавис, праз сечкан, лук односно цел зеленчук, со исклучок на кромидот. Тој се пржи врз маслиново масло да омекни и добие само стаклест сјај. Сите сечкани зеленчуци кога се при крај на варење, на оган додаваме 1 литар вода и коцката за супа од зеленчук.
Кога зоврие и таа зеленчукот варен се цеди, се префрла во блендер, се додава од зачинетата вода и максимално се хомогенизира, притоа додавајќи го и пропржениот кромид. Внимаваме смесата да не е преретка за подобро да се исситнат сите состојки. Вака добиената кашеста смеса се излева во преостанатата вода на оган, додаваме црн пипер, нека се повари некоја минутка заедно или до густина по ваша желба. Во садот на малку подоладена чорба ставаме балсамик киселина или во секој сад одделно.