Ржана погача за Василица
Состојки
- 300гр бело брашно
- 150гр ржано брашно
- 1 коцка (40гр) квасец
- 250 -300мл млеко
- 1 лажичка шеќер
- 1 лажичка сол
- по потреба/желба семки од сончоглед, афион, сусам, лен и ким
Подготовка
Во некои краеви од Македонија, лепче со паричка се прави и за Василица. Овој пат решив тоа да биде едноставно, 'ржано лепче со семки и маслинки.
Најпрво квасецот се раствора во млакото млеко, во кое се додава шеќерот. Се остава да стаса.
Дел од брашното се сее во подлабок сад. Се додава млекото со квасецот, маслото, солта и се замесува тесто, со постепено додавање на брашното. При крај се додаваат семките и маслинките.
Се остава да стаса на топло. Се премесува и се става во подмачкана тава во која ќе се пече, повторно да стаса.
Се премачкува со омекнат маргарин и се става да пече на 180 степени околу половина час.