Чоколатини
Состојки
- тесто
- 100 мл вода
- 100 мл млеко
- 3 лажици шеќер
- 1 лажичка сол
- 1 квасец
- 70 мл масло
- 1 лажичка оцет
- 500 гр брашно
- уште
- 80 гр црно чоколадо
- 50 гр маргарин
- 1 јајце
Подготовка
Рецептот е од страната на Миња Б.го видов и секако веднаш во акција.
Од дадените состојки се замесува тесто и се остава да стаса.
Стасаното тесто се сука во круг и се премачкува со маргарин. Се засекува од сите страни (како на сликата) и секој дел се преклопува кон средината. Така се остава да отстои 15 минути и постапката се повторува уште еднаш. На крај тестото се сука во правоаголник и се сече на 8 дела(коцки). На секој дел се става чоколадо и се преклопува како на сликата.
Се редат чоколатините во плех со преклопената страна надоле и се остават околу 30 минути да одморат. Се премачкуваат со разматено јајце и се печат на 200 степени околу 25 минути.
Нешто слично на кроасани прекрасно...