Сусам крекери со жолт крем
Состојки
- Тесто за крекери
- 150гр. брашно
- 1 жолчка
- 50гр. омекнат путер
- 75гр. павлака
- 2 лажици сусам
- 1/4 лажиче сол
- сусам за валкање
- Жолт крем
- 6 варени жолчки
- 25гр. омекнат путер
- 150гр. крем сир
- сол, бибер
- на врв нож чили во прав
Подготовка
Сите состојки за тестото ставете ги во еден длабок сад и замесете тесто. Оформете ролна долга 25см. и извалкајте ја во сусам. Завиткајте во стреч фолија и ставете во фрижидер половина час да да се стегне.
Рерната загрејте ја на 180°. Во плехот од рерната ставете хартија за печење.
Со остар нож сечете парчиња од тестото со дебелина нешто помалку од 1см. Ставете ги во плехот и печете 20 мин. додека поруменат. Оставете убаво да се оладат.
За кремот, со вилушка иситнете ги убаво жолчките па промешајте со путерот. Додадете крем сир и зачините. Убаво измешајте за да добиете цврст крем. Кремот нанесете го врз крекерите пред сервирање. Доколку стои во фрижидер и потоа ви се гледа дека е многу „сув“ кремот, додадете уште една лажица крем сир и убаво измешајте. Ставете во готварски шприц и нанесете врз крекерите. Одозгора наросете со сув магдонос и власец.