Видео рецепт: Киш пита со сино сирење

Киш пита традиционално се поврзува со Франција и најпознатата верзија на Киш е со сирење и сланина, но ние ќе ставиме сино сирење, кое има силен вкус. Овој рецепт е полн погодок.

Состојки

За ЛИСНАТОТО ТЕСТО ќе ви треба:

• 250 грама брашно
• 1 лажичка сол
• 110 грама путер
• 4-5 супени лажици ладна вода

За ПОЛНЕЊЕТО ќе ви треба:

• 5 големи јајца
• 200 милилитри млеко
• 100 грама сино сирење

Ќе ви треба и:

• Сол и бибер

За подготовка на овој рецепт користиме Делимано Тава за Тарт.

Подготовка

Чекор 1: Разликата помеѓу добар и лош Киш е најчесто во тестото. Почнуваме со брашното, па го додаваме ладниот путер во мали коцки и убаво ги мешаме со раце за да добиеме хомогена смеса. Попрскајте со малку сол и ставете го на работната маса.

Додадете 4 – 5 супени лажици ладна вода во средина и убаво размесете го тестото. Потоа завиткајте го во пластична фолија и ставете го во фрижидер да се олади 20 минути.

Чекор 2: Извадете го тестото од фрижидер и оставете го да добие собна температура, па потоа ставете го на набрашнета работна површина и направете од него кружна форма доволно голема да ја ставите во тава. Ставете го тестото во тавата за тарт премачкана со масло и притиснете го на страните пред да го исечете вишокот.

Покријте го тестото со фолија и врз него ставете ориз. Печете 20 минути на 160 степени.

Чекор 3: Додека тестото се пече, ќе ја направиме смесата со која ќе го полниме Кишот. Тоа е едноставен рецепт од 5 големи јајца, 200 милилитри млеко и 100 грама дробено сино сирење. Убаво зачинете.

Чекор 4: Тргнете ја прекривката од тестото и наполнете ја питата со смесата од јајца и млеко.

Вратете го во рерна уште 30 минути на 160 степени.

Послужете ја, по можност топла, само што ќе ја извадите од рерна.

Погледнете го видеото: Како да направите украсна машна.

СОВЕТ: Новата Тарт тава од Делимано ве прави да изгледате одлично пред вашите роднини и пријатели. Киш е идеално јадење за на пикник летно време, или пак да го јадете топол во ладните зимски денови.