Сардина тортици со сос од магдонос и капари
Состојки
- 500гр. свежи сардини
- 5 сварени компири
- 1 тиквица
- 300гр. свежи шампињони
- 1/2 главица кромид
- 1 чешне лук
- 1 лажичка копар
- по потреба масло, сол, црн бибер
- Сос
- 2 раце магдонос
- 10 капари
- 1 лажичка сенф
- 2 чешниња лук
- 6 лажици ладно цедено маслиново масло
- 1 помал лимон (само сокот)
- За посипување на калапите
- по потреба лебни трошки
Подготовка
Сардините исчистете ги и посолете ги.
Оставете ги да отстојат за да ја примаат солта.
Во тава на оган со малку масло пропржете го сецканиот кромид и шампињоните.
Во друга тава на малку масло пропржете ја ренданата тиквица и лукот.
Посолете и откако тиквицата ќе омекне додајте ги сварените испасирани компири.
Тргнете ја тавата од оган и додајте ги пропржените шампињони и кромидот.
Посолете, наросете црн бибер и на крај додајте го копарот.
Сето ова убаво измешајте го.
Калапот за мафини премачкајте го со масло и посипете со лебни трошки.
Секоја празнина од калапот обложете ја со 4 сардини.
Ставете од смесата со компири и затворете со крајните делови од сардините.
Посипете со малку презла и масло.
Печете на 200 степени, 10 минути.
Во меѓувреме направете го сосот
Во блендер ставете ги сите состојки за сосот и кратко изблендирајте.
Со овој сос послужете ги малку подоладените сардина тортици.