Лајбниц бомбици

Подготовка

Ми се чини дека не може да помине поголем празник без присуство на бомбици на трпезата. Овој рецепт е за бомбици со овошна и сочна средина опкружена со вкус и мирис на рум. Се надевам дека ќе ви се допадне.

Најпрво, исцедете ги убаво вишните од компотот. Најдобро е од вечер да ги оставите да се цедат.
Мелените бисквити измешајте ги со какаото, оревите и 100гр. шеќер во прав. Останатиот шеќер карамелизирајте го па додадете ја водата. Оставете да зоврие и варете додека се стопи целиот карамелизиран шеќер. Тргнете на страна и оставете 2 минути малку да се подолади. Додадете го омекнатиот путер во мали парчиња и мешајте се додека да се стопи. Ставете го и румот во течноста, па со сето тоа залејте ги бисквитите. Мешајте со лажица додека се спојат состојките и потоа замесете со рака.
Земајте од тестото количина колку за бомбица со големина од орев. Расплескајте го на дланката и ставете една вишна во средина. Оформете бомбица и извалкајте ја во мелени ореви, шеќер или кокос. Повторете ја истата постапка со останатото тесто. Оставете во фрижидер да се стегнат, па послужете. Уште повкусни се наредниот ден.