Кифлички со морков
Состојки
- 1кг брашно
- 500гр морков
- 500мл газирана вода
- 200мл зејтин
- 2 коцки квасец
- 2 лажици шеќер
- 1 лажица сол
- премаз
- 2 лажици брашно
- 1 филџан вода
- 1 лажичка сенф
Подготовка
Прекрасни посни кифлички, меки се и по 2-3 дена, а и рецептот одличен за дечињата кои не сакаат морков. Ова е начин да го користат, а нема ни да забележат.
Морковот се вари и се ренда на поситната страна од рендето. Квасецот се става да стаса со шеќерот и малку брашно.
Во подлабок сад се става брашното, морковот, солта и квасецот и се замесува тесто. Постепено се додава и зејтинот и се формира меко и мазно тесто кое се остава да се одмори и да стаса. Одкако ќе стаса се прават кифлички во форма по желба, стасуваат и се печат околу 20-25 минути на 200степени.
Пред да се стават на печење се премачкуваат со премазот.