Хипократова супа
Состојки
- 1 среден корен од целер
- 1/2 праз ( од стракот пола)
- 2 средни кромида
- магдонос и ако имате корен од магдонос
- лук по желба
- хималајска сол, мешан сушен зачин
- по 2 парчиња морков, компири, домати
- 1/2 китка брокула
Подготовка
Оваа супа помага при детоксикацијата на организмот, особено на бубрезите, а е многу вкусна, па поради тоа треба да биде редовна на нашите трпези.
Измијте го и изрибајте го зеленчукот, исечете го на коцки од 1,3 см ( не мора толку прецизно). Ставете се во тенџере, додајте вода три прста над зеленчукот, загрејте до вриење, па потоа варете на слаб оган, час до час и половина, односно додека зеленчукот не омекне. Откако ќе се свари, 1/3 од состојките ги ставате во блендер, ги блендирате и ги враќате во супата, за да ја добие потребната густина.
Забелешка
Ако немате блендер, може ги испасирате состојките, а ако имате „пасирка“ и да ги одстраните целулозните влакна.