Медова пица со овошје
Состојки
- 200 гр шеќер
- 200 мл кисела вода
- 225 гр брашно
- 1/2 лажичка сода бикарбона
- 5 гр цимет
- 50 гр непечени лешници
- 50 гр непечени бадеми
- овошје 1 портокал, 1 јаболко, 1 киви, јаготки и по желба
- 3 лажици мед
- сок од 1 лимон
- малку црвена прехрамбена боја
- прстофат ѓумбир во прав
- 2-3 суви смокви
Подготовка
Пица, ама во поинакво руво и со екстра егзотичен вкус.
1. Брашното, шеќерот, сода бикарбоната, киселата вода, циметот, 1 лажица мед и малку прехрамбена црвена боја, ги матиме со миксер.
2. Тестото го истураме во поголемо тавче, намрсено и набрашнето или пак ако имате Делимано силиконска тава не ставате ништо како подлога, а тестото поделете го за две пици.
3. Одозгора врз тестото ги нафрлате сецканите лешници, бадеми и суви смокви.
4. Печете на 200 степени.
5. Овошјето го сецкате и го ставате со цедениот лимон во тенџере на оган. Неколку минути го проварувате. При крајот додавате 1 лажица мед и малку ѓумбир во прав. Треба целиот сок од лимон да испари.
6. На изладената пица го додаваме овошјето, фино го распоредуваме, рендаме малку бело и црно чоколадо и попорскуваме со мед.
Забелешка
Одозгора може да додадете и свежо овошје. Инаку за прв пат ја користев Делимано силиконската тава и по навика како и кај сите тавчиња ја намрсив и ја набрашнив, ама видов дека нема потреба, па следниот пат кога печев во нејзе не ја премачкував.