Испечати

Есенска идила со мелено месо

Есенска идила со мелено месо

Состојки

  • 500 гр мелено месо
  • 1 кромид средна големина
  • 50 гр лебни трошки
  • 1 лажица буковец
  • 1 лажица мешан сув зачин
  • прстофат оригано
  • прстофат мелен бибер
  • прстофат мускатно оревче
  • сол по вкус
  • 4 јајца од јапонска препелица + 4 јајца од кокошка
  • За декорација
  • 1 јајце од јапонска препелица
  • мајонез, морков и зелена салата
  • 4 домати
  • 4 ротквици

Подготовка

Ова е стара рецепта, која мајка ми, а и многу други домаќинки знам дека ја правеле, а јас само ја украсив на мој начин.

Во еден сад го рендаме или ситно го сецкаме кромидот. Го додаваме месото, јајцето, лебните трошки и сите други зачини. Мешаме до хомогена смеса и го оставаме барем еден час во фрижидер.
Јајцата ги вариме, поставени во сад за варење со врвот нагоре ( за кога ќе ги пресечеме жолчката да биде во средина). Откако ќе се сварат ги лупиме. Добро е да бидат оладени.
Земаме во ракате од месото, правиме форма на плескавица и го ставаме јајцето во средина. Го обвиткуваме целото јајце со месото, со врвот нагоре. Ги ставаме секое посебно, во алуминиумска фолија и додаваме малку масло. Малечките јајца од препелица исто така ги виткаме со месото, само нив сите 4 ги ставив во една фолија.
Се пече на околу 200 степени. Ги пратиме и при крај на печењето ја подотвараме фолијата. Месото се лади и го декорираме по желба.

Забелешка
Меленото месо е составено од 70 проценти свинско и 30 проценти јунешко месо.