Испечати

Чоколадна торта со портокал (без брашно)

Чоколадна торта со портокал (без брашно)

Состојки

  • 2 портокали + кора од 1
  • 4 јајца
  • 150гр. шеќер
  • 1 ванилин шеќер
  • 150гр. печени мелени бадеми
  • 100гр. темно чоколадо
  • 50гр. путер
  • на врв нож сол
  • на врв нож инстант кафе

Подготовка

Еден интересен рецепт на кој налетав на интернет. Едноставна за подготовка, со интензвен вкус на чоколадо и портокал. Се надевам ќе ви се допадне.

1. Портокалите излупете ги, исечкајте на парчиња и избледирајте додека не добиете убава кашеста смеса. Прецедете убаво за да нема многу сок.
2. Путерот и чоколадото стопете ги на пареа, тргнете го садот на страна додадете го кафето и солта и оставете да се лади.
3. Јајцата и шеќерот пенесто изматете ги додека шеќерот не се растопи. Потоа постепено матејќи додавајте го чоколадото, па портокалите и кората од портокал и на крај мелените бадеми. Ќе добиете средно густа смеса. Претурете во намрсен калап со бр.20. и печете на 180С околу 40-45 мин. односно додека чепкалката не излезе сува.
Оставете да се излади малку, извадете ја од калапот и покријте со хартија додека не се излади целосно. Наросете со шеќер во прав па послужете. Поубава е кога е ладна.

Добар апетит =)