Тестенини во сос од карфиол
Состојки
- 1 главица карфиол од помалите
- 1 главица кромид
- 1/2 лајче лук во прав
- 1/2 лајче кумин, сув зачин
- 40гр. пармезан трошки
- 1 лажица крем сирење
- 1 лажица брашно
- 300гр. млеко
- 3-4 лажици масло
Подготовка
Посебно ги сакам сите сосови за тестенини затоа што дозволуваат многу варијанти и лесно се прилагодуваат на сите барања.
Главицата кромид се сечка, се става на масло да се пропржи стаклесто, карфиолот на гранчиња се става во блендер убаво да се измикса, се додава и кромидот. На сад со малку масло се пржнува брашното, се додава микс смесата од карфиол, малку да пропржи се додава млекото, кумин, лук во прав, сув зачин, крем сирење и пармезан, па се трга од оган.
Се става од топол сос врз тестенините кои ги вариме одделно и се служи со екстра пармезан и малку сув копар.