Колач со урми
Состојки
- 125гр. омекнат путер
- 100гр. шеќер
- 30гр. мед
- 2 јајца
- 250гр. брашно
- 2 лажички пециво
- 50гр. сецкани ореви
- 30 гр. мелени бадеми
- 50гр. сецкано бело млечно чоколадо
- 100гр. сецкани урми
- 10 лажици млеко
- Глазура
- 120 гр. црно чоколадо
- 1 лажица масло
Подготовка
Во сад за матење ставете го путерот и шеќерот.
Убаво изматете па додајте ги јајцата. Продолжете со матење и постепено додајте го медот.
Откако ќе се измати исклучете го миксерот и постепено додавајте го брашното измешано со пецивото.
Мешајте со дрвена лажица.
На крај додајте ги сецканите ореви, чоколадо и урми.
Додајте го млекото и бадемите и убаво измешајте ја смесата.
Во округол калап со обрач ставете хартија за печење и во него претурете ја смесата.
Печете на 180 степени 40-45 минути.
Испечениот колач оставете го да се подолади, а потоа прелејте го со растопеното чоколадо.
Оставете во фрижидер да се стегне глазурата и послужете.