Пилешко со компири и пиперки
Состојки
- 8 пилешки батаци
- 1 кг компири
- 2 (200гр) меснати црвени пиперки
- 1 лажиче рузмарин
- 2 чешниња лук
- 1 лажица сецкан магдонос
- по вкус мешан сув зачин, сол и бибер
- 1/2 чаша вода
Подготовка
Батаците посолете ги со солта, биберот и мешаниот зачин по вкус.
Компирите излупете ги и исечете ги на поголеми коцки.
На пиперките извадете им го семето, исечете ги на пошироки резанки и заедно со компирите ставете ги во тава за печење. Додајте го лукот исецкан, магдоносот, рузмаринот, малку сол и бибер, пола чаша вода и измешајте ги. Попрскајте ги со малку масло и одозгора наредете ги парчината месо.
Ставете ги да се печат во загреана рерна на 200 степени околу 1-1час и половина додека месото добие убава боја од двете страни.
Послужете ги топли со салата.