Коцки со лимон
Состојки
- 4 јајца
- 200 гр шеќер
- 120 мл масло
- 1 лимон исцеден сок и изрендана кора
- 150 гр пченкарен скроб
- 150 гр брашно
- 1 прашак за пециво
Подготовка
Одделете ги жолчките и белките.
Жолчките изматете ги со шеќерот да постанат кремасти, потоа додајте го маслото, сокот и кората од лимон и убаво измешајте ги.
Измешајте го брашното, скробот и пецивото и додајте ги во смесата и мешајте ги со голема лажица да се соединат.
Белките со прстофат сол изматете ги во снег, додајте ги во смесата и повторно мешајте ги со лажица да се соединат.
Смесата истурете ја во намачкан со путер и набрашнет плех (25х30) и ставете ја да се пече во загреана рерна на 170-180 степени околу 30 мин.
Печената торта оставете ја да излади, посипете ја со шеќер во прав и послужете ја исечена на коцки.