Ќофтиња во сос од сирење
Состојки
- 300гр мелено месо
- 1 главица рендан кромид
- 1 јајце
- 1 лажица мешан сув зачин
- 1/2 лажичка црн бибер
- 2 чешниња лук
- сос
- 50гр маргарин
- 2 лажици брашно
- 200мл млеко
- 150гр сирење
- 1 лажица целер
Подготовка
Меленото месо се замесува со ренданиот кромид, јајцето, сецканото лукче и зачините. Убаво се меси и се остава 1 час да впијат зачините. Од смесата се формираат ќофтиња и се пржат на врел зејтин.
Сос
Маргаринот се загрева и во него се пржи брашното. Одкако ќе зарумени се додава врелото млеко и се вари сосот со постојано мешање. Се додава сирењето изрендано и се меша на огин додека се растопи. На крај се додава ситно сецкан лист од целер и се зачинува со сол и бибер по вкус.