Меки жолти ролнички
Состојки
- - за тесто -
- 150 гр пире од тиква
- 3 лажици масло
- 20 гр квасец
- 1/2 лажиче сол
- 1/2 лажиче шеќер
- 125 мл кефир или кисело млеко
- 125-25 мл топла вода
- 600 гр брашно
- - за премачкување на тестото -
- 100 гр путер (или маргарин со вкус на путер)
- 1 жолчка
- - за премачкување на ролните -
- 1 белка
- 1 лажица мајонез
Подготовка
Ставете го квасецот во 25те мл вода со шеќерот и малку брашно да надојди.
Во длабок сад просејте го брашното, додадете ги останатите состојки и на крај со водата замесете меко тесто. Доколку сметате дека е потребно додадете уште малку брашно, но тогаш продолжете го месењето на работната маса. Вратете го во садот, покријте и оставете да се дуплира.
Поделете го тестото на 2 дела и од секој развлечете правоаголна кора, која ќе ја премачкате со измешаниот путер и жолчка, па потоа ќе ја наролате како ролат. Пред ролање, по желба можи да ставите фил од сирење, пица фил или што и да е по желба, а можи да ги оставите и без фил. Сечете парчиња со големина од 2 см или пак сечете косо кифлиња во вид на триаголници.
Наредете ги на подмачкан плех и одозгора премачкајте ги со убаво разматената белка со мајонез, па по желба наросете сусам, ким... и сл.
Печете на температура од 200 степени додека не поруменат.