Гитара торта за роденден

Подготовка

Роденденската торта на мојот син.

Подготовка на филот
Жолчките со ванилата, шеќерот, нишестето и малку од млекото кратко се матат со миксер да се изедначат да нема грутчиња. Останатото млеко се става да се загрее. Пред да зоврие се тура смесата од жолчки и на тивок оган постојано се меша со лажица или жица додека се згусти како пудинг.
Се трга од огнот, се покрива и се остава да олади.
Се мати путерот, му се додава лажица по лажица од пудингот и откако ќе се изедначат се додава чоколадата претходно стопена и оладена.

Подготовка на кора 2
Белките се матат со шеќерот додека се добие цврст снег, потоа се додаваат оревите, брашното, пецивото и се мешаат со лажица да се изедначат. Смесата се тура во намачкан со путер и набрашнет калап (26) се рамни и се пече во загреана рерна 15-20 мин на 180 степени.

Подготовка на кора 1
Јајцата се матат со шеќерот и ванилата додека станат кремасти. Се додава маслото и на крај брашното и пецивото. На кратко со миксерот се мешаат да се изедначат. Смесата се тура во намачкан со путер и набрашнет калап (26) и се пече во загреана рерна 15 мин на 180 степени.
На истиов начин се подготвува и кора 3.

Подготовка на преливот
Водата и шеќерот се ставаат да зовријат. Се трга на страна и се додава екстрактот од рум.

Филовање
На подлога за торта се реди третата кора се прска со половина од преливот и се мачка со фил, потоа се реди втората кора се мачка со фил и на крај првата кора, се прска со преливот и се мачка со останатиот фил.
Се декорира по желба и се остава во фрижидер да се стегне.