Погача со маслинки
Состојки
- Тесто
- 400гр. брашно
- 3/4 коцка квасец
- 200-220мл. млеко
- 1/2 филџанче зејтин (околу 50мл.)
- 1 лажичка шеќер
- 1/2 лажичка сол
- Фил
- 150гр. маслинки (исчистени)
- 3-4 лажици зејтин
- зачини оригано и рузмарин
- 1 чешне лук
- Уште плус
- 1 јајце за премачкување
- за наросување сусам (ким, мак, оригано)
- малку маргарин за премачкување на тестото
Подготовка
1. Квасецот растворете го во млекото па додадете го во садот со останатите состојки за тестото. Замесете меко нелепливо тесто и оставете го на страна да стаса (најмалку 1 час).
2. За филот, во блендер ставете ги маслинките претходно исчистени, протиснатото лукче и зачините па направете убава кремаста смеса. Додадете и малку зејтин за да смесата се разреди.
3. Стасаното тесто ставете го на набрашнета површина и разделете го на 2 дела. Од секој дел со сукало развлечете кора, премачкајте ја прво со размекнат маргарин, па со половина од смесата од маслинки и завиткајте во ролат.
Истата постапка е и за второто тесто. Ролатите исечете ги цик-цак па наредете во намрсена округла тава за печење. Оставете ги 20тина мин. потоа премачкајте со разматено јајце и наросете сусам (или нешто друго по желба). Ставете да се пече во претходно загреана рерна додека добие убава боја. Нека се излади малку па послужете.
Добар апетит =)