Мини кроасани со полнење од тиква
Состојки
- Тесто
- 250гр. брашно
- 130гр. рикота
- 2 лажици шеќер
- 3 лажици растопен путер
- прстофат сол
- Полнење
- 300гр. тиква
- 5 лажици кафеав шеќер
- 100мл. вода
- 1/2 лажичка цимет
- 1/2 лажичка каранфилче во прав
- на врв на лажичка рендан ѓумбир
- 1 рака сецкани ореви
- 1 рака суво грозје
- 1/2 рака сецкани пињоли
- Други состојки
- 1 јајце(за премачкување)
- по потреба шеќер во прав(за посипување)
Подготовка
Во подлабок сад ставете ги состојките за тесто и со помош на ладна вода(по потреба) замесете го тестото.
Завиткајте го во најлонска фолија и оставете го во фрижидер 1 час.
Во меѓувреме подгответе го полнењето.
Во тенџере на оган ставете ја тиквата исечена на мали коцки, шеќерот и водата.
Оставете да зоврие, а потоа додајте ги циметот, каранфилчето и ѓумбирот.
Оставете на тивок оган да се вари додека тиквата омекне , а водата испари.
Откако е готово тргнете го тенџерето од оган и смесата претурете ја во стаклен сад и оставете да се олади.
Кон оладената тиква додајте ги сецканите ореви, сувото грозје и сецканите пињоли.
Измешајте убаво.
Отстоеното тесто поделете го на 2 дела и меѓу 2 листа хартија за печење развлечете ги во круг.
Исечете ги на 8 дела и на секој дел ставете од филот.
Завиткајте ги во вид на кроасани и наредете ги во плех обложен со хартија.
Премачкајте со разматено јајце и печете ги на 200 степени, 20-25 минути додека заруменат.
Испечените кроасани посипете ги со шеќер во прав и полслужете.