Лешник колач со бела чоколада
Состојки
- Пандишпан
- 2 јајца
- 50 гр путер на собна температура
- 200 гр шеќер
- 80 мл млеко
- 120 гр потпечени мелени лешници
- 250 гр брашно
- 2 лажици какао
- 1/2 прашак за пециво
- За преливање
- 200 мл жешко млеко
- Фил
- 200 гр бела чоколада
- 150 гр путер
- 100 гр шеќер во прав
- 1 екстракт од ванила
Подготовка
Подготовка на пандишпанот
Путерот изматете го со шеќерот. Потоа додавајте ги јајцата едно по едно, млекото и постојано матете да се изедначи смесата. На крај додајте го брашното измешано со лешниците, какаото и пецивото и со мала брзина измешајте ги да се изедначат. Ќе добиете густа смеса. Истурете ја во подмачкан со путер и набрашнет плех 35х20, порамнете ја и печете во загреана рерна на 180 степени околу 25-30 мин.
Печениот пандишпан оставете го излади и прелијте го со жешкото млеко.
Подготовка на филот
Чоколадата ставете ја на пареа да се стопи и оставете ја да олади.
Изматете ги путерот со шеќерот во прав и екстактот и заедно измешајте ги со белата чоколада.
Премачкајте го пандишпанот, покријте го со фолија и оставете го во фрижидер малку да се излади.
Сечите коцки украсете ги по желба и послужете ги.