Торта со газирана вода и бисквити
Состојки
- Кора
- 5 лажици шеќер + 5 јајца
- 5 лажици мелени лешници
- 100 гр. рендана црна чоколада за готвење
- 5 лажици масло
- 5 лажици вода
- 3 лажици брашно + 1/2 прашок за пециво и прстофат сол
- фил
- 800 гр. мелени бисквити
- 250 гр. маргарин или путер ( на собна температура.)
- 850-900 мл. газирана вода
- 5 лажици кокос
- 50 гр. сечкани лешници
- 16-24 правоаголни бисквити
- 50мл благо инстант кафе
- 8 лажици шеќер
- 100гр стопена бела чоколада
- за декорација
- 200мл слатка павлака
Подготовка
Најпрво направете го филот.
Во длабок сад изматете го маргаринот со шеќерот и стопената чоколада.
Потоа додадете ги бисквитите и полека сипете од газираната вода и миксирајте со миксер. Кога ќе се добие убава креместа смеса оставете го настрана или во фрижидер. Во половина фил ставете сечкани лешници, а во другата кокос и убаво измешајте.
За кората.
Вклучете ја рерната на 200 степени да се загрее. на плех од рерна 40х30 см. ставете хартија за печење .
Оделете ги белките од жолчките.
Белките во длабок сад изматете ги со солта во мек снег,потоа лажица по лажица додавајте од шеќерот.
Матете додека се добие цврст снег. Потоа додајте ги останатите сосотјки и со лопатка убаво измешајте да се соедини.
Смесата излијте ја во плехот, ставете да се пече. Печете околу 15 мин. додека се испече убаво, само внимавјте да не го препечете.
Кога е готов извадете ги уште топол пресечете го на половина. Оставете го да се излади.
На тацна ставете ја едната кора, ставете го филот со лешници убаво измазнете, потоа ставете ги бисквитите натопени по малку во кафе, филот со кокос, кората, премачкајте ја тортата со останатиот фил и украсете со изматена слтака павлака.
Ставете ја тортата во фрижидер најмалку 2 часа или најдобро преку вечер. Сечете парчиња по желба. =)