Мафини со боровинки со прелив од путер и цимет
Состојки
- 1 1/2 шоља (190 гр) сенаменско брашно
- 3/4 шоља (150 гр) шеќер
- 1/4 лажичка сол
- 2 лажички прашок за пециво
- 1/3 шоља (80 мл) масло
- 1 јајце
- 1 кесичка ванилин шеќер
- 1/3 шоља (80 мл) млеко
- 1 шоља (150 гр) боровинки
- За посипување
- 1/2 шоља (100 гр) шеќер
- 1/3 шоља (40 гр) брашно
- 1/4 шиља (55 гр) ладен путер
- 1 1/2 лажичка цимет
Подготовка
Загрејте ја рерната на 190 Ц.
Во отворите на калапот за мафини ставете хартиени кошнички.
Во еден сад измешајте ги брашното, двете врсти шеќер, солта и прашокот за пециво. Во мал сад разматете ги млекото со јајцето и маслото и додајте ги во сувите состојки. Измешајте со жица, сосема лесно, само да се навлажни смесата, додајте ги боровинките и промешајте. Долгото мешање на смесата за мафини ќе ги направи густи по структура. За ровки мафини, мешајте што е можно помалку.
Распоредете ја смесата во калапчината, полнејки ги скоро до горе.
За посипот измешајте ги во мал сад брашното, шеќерот и циметот. Со прсти втријте го ладниот путер, па ронливата смеса распоредете ја врз мафините.
Печете ги 20 - 25 мин. или додека не добијат убава боја, а површината не стане еластична на допир.