Интегрална фокача со фета сирење
Состојки
- Тесто
- 100 гр интегрално брашно
- 100 гр овесни снегулки
- 250 гр бело брашно
- 1 лажица ленено семе или сусам
- 1 лажица семки од сончоглед
- 5 лажици маслиново масло
- 1 лажиче сол
- 1/2 лажиче шеќер
- 20 гр свеж квасец
- 320 мл топла вода
- Фил
- 150 гр фета сирење
- 7-8 шери домати
- по потреба оригано
- по потреба маслиново масло
Подготовка
Во сад ставете ги интегралното и белото брашно, семките и солта.
Овесните снегулки ставете ги во блендер да се сомелат како брашно, а квасецот со шеќерот растворете го со малку вода и додајте ги во садот.
Додајте го и маслото. Додајте ја водата и мешајте со дрвена лажица да се добие многу меко тесто.
Оставете го да скине околу 1 час. Потоа ставете го во плех (39х22) намачкан со маслиново масло и израмнете го.
Посипете го со оригано, наредете го сирењето исечено на коцки и доматите исечени на кругчина. Испрскајте го со маслиново масло.
Оставете го да скисне 40 минути и печете во претходно загреана рерна на 200 степени околу 30 мин.
Печената фокача покриена со фолија и крпа оставете ја да олади и послужете ја.