Торта од цели јаболка
Состојки
- 7-8 средна големина кисели јаболка
- 100 г мелен орев
- 50 г суво грозје
- 5 јајца
- 5 лажици шеќер
- 5 лажици брашно
- 1 кесичка ванилин шеќер
- малку цимет
- 1/2 коцка маргарин
- 2 пудинга
- 600 мл млеко
- 300 мл хопла
- 1 пециво
Подготовка
Нека сезоната на јаболка започне. Оваа торта е вкусна, овошна и лесна. Сигурно ќе побарате репете ....
Сличен рецепт има поставено елиза, ама еве ја мојата верзија на оваа торта.
Јаболката ги лупите и ги длабите во средината. Во тркалезно тавче ја ставате коцката маргарин и во рерна ја топите. Потоа ги редите јаболката и ги полните со смеса од мелен орев, суво грозје и цимет. Дел од смесата ќе во остане. Ја покривате тавата со алуминиумска фолија и ги печите јаболката на 180 С околу 45 мин.
Во меѓувреме матите убаво 5 јајца со 5 лажици шеќер додавате брашното, ванилата и остатокот од смесата со ореви суво грозје и цимет и пецивото, ги ставате врз јаболката (секако ја одстранувате фолијата) и печите на 200 С.
Ја превртувате тортата наопаку на тањир за торта и откако ќе олади ја филувате со пудинг и изматена хопла.
Пудинзите ги спремате како по упатсво само наместо 1 л млеко ставате 600 мл и 6 лажици шеќер.