Американска чоколадна пита
Состојки
- Тесто
- 100 гр. маргарин или путер ( на собна температура.)
- 70 гр. шеќер
- 1 јајце
- 5 гр. пециво
- брашно по потреба (300-350 гр.)
- Фил
- 200 гр. темна чоколада со поголем процент на какао
- 250 мл. слатка павлака
- 2 јајца
Подготовка
Најпрво замесете го тестото.
Во сад изматете ги маргаринот, шеќерот и јајцето во пенаста смеса. Додадете го брашното и пецивото. Месете со рака додека добиете мазно тесто. На набрашнета површина развлечете кора во круг, голема колку округла тава 24 см.
Кората нанесете ја во плехот намрсен со маргарин.
Убаво израмнете и подингнете малку кора нагоре. Избоцкајте го тестото со вилушка.
Ставете го да се пече во загреана рерна на 180 степени.
Печете додека почне по малку да менува боја.
Додека се пече кората направете го филот.
Стопете ја чоколадата на пареа. Додадете ја слатката павлака и убаво измешајте. Тргнете го садот од пареата.
Јајцата малку изматете ги со ванилиниот шеќер со жица.
Јајцата сипете ги во чоколадната смеса,измешајте со жица да се соедини.
Кората извадете ја од рерната.Филот сипете го на кората,вратете ја питата да се допече.
Печете на 200 степени додека стане не многу цврсто на допир.
Околу 30 мин.
Оставете да се излади, исечете парчиња и послужете со шлаг, прав шеќер одозгора или некаков прелив.
Чувајте ја во фрижидер.
Може да направите и мини пити по желба. =)