Њоки со грашок, пршута и пармезан
Состојки
- 500 гр свежи готови њоки
- 300 гр замрзнат грашок
- 100 гр италијанска квалитетна пршута
- 5 лажици доматна салца
- 1 лажиче оригано
- по вкус сосем малку сол (бидејќи пршутата е солена)
- 40 гр рендан пармезан
- малку маслиново масло
- 3 чешниња лук
Подготовка
Њоките ставете ги во зовриена посолена вода да се варат околу 3-4 минути. Кога се готови испливуваат на површината на водата и тогаш може да ги прецедите.
Грашокот кој се препорачува да е замрзнат или свеж ставете го исто во зовриена вода да се вари окоулу 20тина минути со сосема малку путер за подобро да омекне. На малку масло ставете да се пропржи ситно исецканиот лук. Кога ќе добие малку златеникава боја додадете го обарениот грашок, пропржете, па додадете ја пршутата. Не ја прерпжувајте премногу, за да остане свежа само 2 минути, па додадете ги обарените њоки, доматната салца и ориганото. Сето тоа убаво промешајте го и тргнете го од огин. Сервирајте го топло и наросете го со рендан пармезан. Препорачливо е да го послужете со бело квалитетно вино. Добар апетит!