Посна торта со палачинки
Состојки
- за кората..
- 1 шоља (200мл) шеќер (мерите се со иста шоља)
- 1 шоља млака вода
- 2 филџанчиња (по 150мл) масло
- 1 лажица мармалад
- 2 шољи брашно
- 1 лажица какао
- 1 кесичка печиво
- за фил..
- 250гр. соја млеко
- 1 кесичка пудинг по избор
- 3 лажици шеќер
- 150 мл вода
- 3 лажици гриз
- 3 лажици шеќер
- 150гр. маргарин
- 100гр. посно чоколадо
- 4-5 лажици сечкани ореви
Подготовка
Ова е десерт два во еден,односно на посен колач по сопствена иницијатива додадов палачинки со мармалад,расположена за нов крој. Од сите продукти наведени за кора,се прави смеса со мешање...нема биење со миксер туку тоа оди со рачна мешалка,се излева во тавче бр.36 премачкано масло и брашно па се печи на 200 во загреана рерна .
За филот
Пудингот со соја млекото и шеќер се варат по стандардна процедура, мешајќи постојано кога достигне густина се лади. Што се однесува до смесата со гриз, вода и шеќер, се вари на оган заедно 2 минути,сметајќи од времето кога зоврие...и таа се лади.
Во сад настрана се бие маргаринот,се додава од ладниот пудинг и ладната гриз смеса,заедно се изедначува така добиениот фил. Палачинките (готови -купени) ги премачкав со мармалад и ги заролав. Над ладен кекс се нанесува слојче фил, се редат во 2 реда палачинките по (краевите им ги отсеков) се става повторно одозгора фил...најгоре се премачкува топено чоколадо или глазура некоја ваша омилена и сечкани ореви.