Сеченица со зелје
Состојки
- Тесто
- 500гр. брашно
- 1 лажичка сол (или повеќе по вкус)
- 1/2 лажичка шеќер
- 5 лажици зејтин
- на врв лажиче свеж квасец
- 250-300мл. вода
- Фил
- 1 китка зелје
- 400гр. сирење
- 1-2 јајца
- по вкус сол
- Дополнителни состојки
- по потреба маргарин
Подготовка
Еве повторно нешто месено од мене. Онаа класична (бабина) сеченица што ја знам е само со сирење, но секогаш може да се пробуваат најразлични варијанти.
1. Од состојките за тесто замесете меко нелепливо тесто и оставете малку да одмори (состојките се променливи во зависност од плехот во кој ќе печете). Тестото поделете го на 22 топчиња (3 кори по 5 и 1 кора со 7 топчиња). Маргаринот растопете го, но да не зоврие. Секое топче малку развлечето го со сукало да се формира коричка, па редете едно врз друго, премачкани со маргарин. Првото купче со 7 корички, останатите 3 со по 5 корички. Оставете ги да стојат додека го спремите филот.
2. Ситно исечкајте го зелјето и посолете малку за да ја испушти течноста. Додадете го сирењето и во зависност од големината 1 или 2 јајца. Филот треба да биде по сув. Досолете по вкус.
3. Земете го првото купче (со 7) и рассукајте во малку поголема кора од плехот за печење. Ставете ја во нарсениот плех, па ставете дел од филот. Истото се повторува со останатите 3 кори кои треба да бидат со големина исто колку плехот. На крај направете сосем тенка витка, исечете го тестото на парчиња и убаво прелијте со растопен маргарин. Ставете да се пече во загреана рерна. Оставете малку да се излади па послужете со чаша јогурт или кисело млеко и уживајте.
Добар апетит =)