Пире од грашок со полнети шампињони
Состојки
- 1 кромид
- 400 гр. грашок
- 3 чешниња лук
- 200 гр. крупни шампињони
- 2 страка праз
- 1 кисела павлака
- 50 гр. рендан кашкавал
- 2 лажици путер
- нане, сол, бибер и маслиново масло
Подготовка
Во тава на оган го запржуваме кромидот на една лажица путер. Го додаваме грашокот, лукот и сушеното нане. Налеваме малку вода, сол и бибер и оставаме грашокот да се свари. Кога е готов, се пасира и се додава една лажица путер.
Во меѓувреме, на шампињоните им ги вадиме дршките и ги редиме во тава за печење. Во тава на загреано масло го пржиме празот и дршките од шампињоните. Во испржената смеса додаваме 3 лажици кисела павлака, сол и бибер. Со смесата ги полниме шампињоните и врз нив го додаваме ренданиот кашкавал. Во тавата ставаме малку вода и печеме на 200 степени околу 20 мин. Се сервираат заедно со пирето од грашокот.