Болоњезе во рерна
Состојки
- 500гр. јуфки
- 400гр. мелено месо
- 400мл. доматен сос
- 2 главици кромид
- 2 чешниња лук
- 1 лажичка сенф
- по вкус зачини, сол, бибер, босилек
- 100-150мл. вода
- 250гр. кашкавал
Подготовка
Малку поинаква варијанта од класичната, се надевам ќе ви се допадне.
1. Кромидот ситно и лукчето ставете ги во тава со малку маслинов зејтин да се пропржат. Кога ќе омекнат додадете го меленото месо и продолжете со пржење додека не добие убава кафена боја. Додадете го сенфот, промешајте па додадете го доматниот сос. Додадете босилек и сол и бибер по вкус, промешајте и оставете на тивко да крчка.
2. За тоа време во поголемо тенџере на оган ставете вода да се зоврие па потоа додадете ги јуфките. Варете многу кратко (3-4 мин.) Одделете околу 150мл. од водата во која се вареа па потоа прецедете ги во цедалка и исплакнете со вода за да не се залепат.
3. Во зависност колку од течноста испарила во сосот додадете од водата (највеќе до 150мл.). Потоа додадете го сосот во тестенините, промешајте убаво и префрлете ги ви тава за печење. Ставете да се печат во загреана рерна 20тина минути, потоа извадете ги, изрендајте го кашкавалот од горе и вратете во рерна уште 10-15 мин. Оставете малку да се изладат па послужете.
Добар апетит =)