Пилешки сос - прелив
Состојки
- 3 парчиња пилешки стек
- 2 главици кромид
- 1 главичка лук
- 50мл. масло
- 1 лажица брашно
- 1 коцка за супа-пилешка
- 300мл. вода
- 2 лажици кисела павлака,малку кари,сув зачин
- 50мл. неутралана павлака
Подготовка
Обично пилешкото месо е во некој сос, ова е обратна ситуација каде сосот е со пилешко, па го користиме како прелив врз зеленчуци, како сос врз шпагети, ориз, пире и други ситуации.
Жив стекот сечен на помали парчиња се става во блендер нека се изблендира добро. Врз врело масло во подлабок сад се става сечкан кромидот, лукот, па се додава блендирано пилешкото, се заедно нека се пржи 10-тина минути. Се става брашното, кратко пропржува додаваме вода и коцката за супа, вака си крчка на тивко 30-тина мин. да добие на густина, се зачинува се става неутралната павлака за некоја минутка се трга од оган, па се додава киселата павлака и готов ни е сосот за широка примена.