Зелка со мелено месо и зеленчук
Состојки
- 1 парче зелка1 кг.-1.200гр.
- 500гр. мелено јунешко
- 2-3 парчиња моркови
- 1 главица кромид
- 1 главичка лук
- 1 мало парче пашканат
- 1корен од магдонос
- 1 коцка за супа говедска
- 1лајца пипер- фино мелена
- 1лајче сув зачин,црн пипер,ловоров лист
- 1 киска магдонос
- 50мл. масло
- 500мл. вода
Подготовка
Зелка свежа, сторена - расол или каква била ретко кој не спрема е ова е начинот на кој се прави кај нас.
Сите зеленчуци се чистат и сечкаат. Морковите на покрупни тркалца, кромидот и лукот на поситно, коренот од магдонос и пашканатот само се чистат со површинско луштење и се оставаат цели. Неизоставно во ова јадење го ставам лукот и ловор листот. На врело масло се става да пропржи кромидот и лукот, морковот се додава меленото, мешаме постојано да се иситни добро, зелката сечкана на коцки поситно, се става прво половина, па повремено се меша додека се подиспржи, полека се става и остатокот од зелка мешајќи додека пржи некои 10 мин.
Ставаме пипер,пржиме кратко, налеваме 500мл.вода ја додаваме коцката за супа, останати зачини, коренот од магдонос и пашканатот цели, покриваме со капак и се крчка на тивко некој саат и пол (или зависно колку сакате да е мека). На крај кога е готова се вадат од внатре пашканатот и магдонос коренот, се става сечкан магдонос и се служи.