Испечати

Мариниран октопод

Мариниран октопод

Состојки

  • 500 гр свеж беби октопод
  • 4 чешниња лук
  • 100 мл маслиново масло
  • 1 лажица оцет
  • 1/2 лимон
  • 1 лажичка сол
  • 1 лажица рендан корен од ѓумбир
  • 1 лажичка чили зачин
  • 50 гр доматен сос
  • 150 мл бело вино
  • малку бибер
  • 1 лимон како додаток
  • 200 гр нудли (оризови шпагети)

Подготовка

Еве еден морски рецепт, лесен и вкусен за летните денови. Свежи морски плодови кај нас може да се најдат во поголемите снабдени маркети, ако не можете да најдете свеж може да користите и замрзнат октопод.

Ако користите беби октопод расечете ги парчињата претходно исчистени, на половина убаво посолете ги од двете страни полијте ги со маслото, оцетот и лимоновиот сок врз нив нанесете го ситно исецканото лукче, а од другата страна наренданиот ѓумбир. Вака подготвените парчиња октопод оставете ги да одстојат во фрижидер околу 1 час. На вок тава ставете масло да се загрее и исечете на ситно 2 чешниња лук да се пропржат, потоа додадете го и виното, па во тоа ставете ги октоподите заедно со маринадата во која стоеја. Оставете ги да се динстаат околу 30 минути. За тоа време додадете малку зачин чили и доматен сос. Наросете со бибер и оставете да се динста на тивко уште 5 минути, додека не се згусне самиот сос.

Послужете го по желба. Во случајов јас го служев со нудли (оризови шпагети) и квалитетно бело вино. Уживајте во овој прекрасен вкус ако сте љубител на морска храна. Јас искрено едвај дочекав да го сликам па да седнам да уживам во јадењево. Поздрав од мене и добар апетит!