Ролнички со пршута, блитва и кашкавал
Состојки
- 350 гр брашно
- 1/2 коцка свеж квасец
- 1/2 лажиче шеќер
- 150 мл млака вода
- 1 лажиче лимонов сок
- 1/2 лажиче сол
- За полнење
- 100 гр италијанска пршута
- 100 гр кашкавал ајдамер исечен на листови
- 70 гр рендан тврд кашкавал
- 3 листови блитва
- малку сол
- малку маслиново масло
- за премачкување сончогледово масло
Подготовка
Од состојките замесете тесто како за пица. Оставете го да кисне околу 1 час. Од стасаното тесто рассукајте тенка кора. На неа најпрво нанесете ги листовите кашкавал ајдамер, врз нив листовите пршута, врз пршутата ставете крупно исечени листови свежа блитва а врз блитвата изрендан тврд кашкавал. Посолете малку и нанесете маслиново масло. Од вака наредените состојки со виткање формирајте ролат. Ставете го ролатот на подмачкан плех и ставете го да се пече во претходно загреана рерна од 220 степени околу 20 до 25 минути. Печениот ролат оставете го малку да се олади покриен со крпа и потоа исечете го на ролнички додека е топол. Добар апетит!!!