Карбонара од тиквички
Состојки
- 150 гр тестенини по желба
- 1 средна тиквичка
- 1 чешне лук
- 2 јајца
- 30 гр пармезан
- 5-6 лажици масло
- по потреба сол и бибер
Подготовка
Тестенините ставете ги во посолена зовриена вода да се варат колку што пишува на паковањето.
Тиквичката исечете ја на помали коцки и заедно со исецканото лукче ставете ја во тава со масло да се пржи додека омекне.
Во сад со вилушка измешајте ги јајцата, пармезанот и малку бибер.
Сварените тестенини исцедете ги од водата, додајте ги во тиквичката и измешајте ги. Тавата тргнете ја од огнот и додајте ги јајцата со пармезанот. Измешајте ги и посолете по вкус.
Послужете ги топли.