Рогач палачинки
Состојки
- 150 г бело брашно
- 50 г мелен рогач
- 1 јајце
- 300 мл млеко
- 1 лажичка какао
- 1 лажичка цимет
- 1 лажичка кафеав шеќер
- 1 лажица мед
- За фил
- 50 гр мелени бадеми
- 50 гр растопено црно чоколадо
- 3 лажици намаз од рогач доколку имате
- 2 лажици нутела
Подготовка
Јајцето, брашното, мелениот рогач и млекото убаво изматете ги. Додадете ги циметот, какаото, медот, кафеавиот шеќер. Убаво матете додека не добиете хомогена смеса од сите состојки. Пржете ги нормално како стандардни палачинки на убаво загреано тавче за палачинки. За филот растопете црно чоколадо на пареа, во него додадете го намазот од рогач и мелениот бадем. Премачкајте ги палачинките со овој фил а врз него ставете тенок слој нутела. Завиткајте ги палачинките и послужете ги. Добар Апетит!