Тортички со крем од афион
Состојки
- За тесто
- 2 јајца
- 1 чаша (од 250мл.) шеќер
- 1/2 чаша зејтин
- 1/2 чаша кисело млеко
- 1 и 1/2 чаша брашно
- 1 пециво
- кора од портокал
- За крем
- 250гр. мелен афион
- сок од 2 портокали
- 150гр. путер (или маргарин)
- 4 лажици шеќер во прав
- 100мл. млеко
- 1 шлаг пена
Подготовка
Малку да промениме од стандардните чоко-ванила кремови, се надевам ќе ви се допадне. Тестотото е истото како и за тортата со ванила крем и јагоди, овде има и плус кора од портокал. Може да си искористите тесто кое вас ви се допаѓа највеќе. Ова ми е некако универзално, па со некои мали измени го користам доста често.
1. Од наведените состојки изматете убава компактна смеса. Калапите за мафини намрсете ги и набрашнете ги и ставајте по 1 полна лажица од тестото. Ставете да се печат во загреана рерна на 220С, а потоа намалете на 180С. Кога ќе бидат готови извадете ги од калапот и оставете убаво да се изладат.
2. Пред да почнете со тестото, измелете го афионот, полијте со сокот од портокал и оставете да стои.
Шлаг пената изматете ја со 100мл. млеко и оставете на страна (ако сакате поблаго може и во неа да додадете шеќер).
Путерот пенесто изматете го со шеќерот во прав, потоа додадете го афионот и шлагот и матете уште малку за да се изедначи смесата. Кремот оставете го во фрижидер за малку да се стегне, па потоа филувајте ги изладените тортички.
Добар апетит.
*Од наведените состојки ми излегоа 24 тортички со средна висина.