Пилешко со кари сос
Состојки
- 500 гр. пилешки стек
- 1 лажица брашно
- 2 лажички кари
- 2 лажици соја сос
- 400 мл. млеко
- 1 мала главица кромид
- 170 гр. печурки
- мешан зачин, бибер, сол
- масло за пржење
Подготовка
Пилешкиот стек посолете го и пржете го од двете страни додека да зарумени. Кромидот ситно исецкајте го и испржете го заедно со печурките.
За сосот, во едно мало тенџере ставете малку масло и 1 полна лажица брашно. Пржете го брашното и пред да поцрвени тргнете го тенџерето на страна. Додадете го кари зачинот и соја сосот. Промешајте убаво и додадете го млекото. Вратете го тенџерето на оган и мешајте со жица за матење додека да се згусне. Ако е многу густо, додадете уште малку млеко. Ставете ги претходно испржените печурки, мешаниот зачин, побиберете и по вкус посолете.
Пилешкиот стек исечете го косо на парчиња со дебелина од 2см. и прелијте со сосот. Послужете со варен басмати ориз.
За оние кои сакаат поегзотичен вкус, може дел од млекото да се замени со сок од порокал.
Добар апетит!