Ѓувеч со ќофтиња
Состојки
- 500 гр. мешано мелено месо
- 3 лажици лебни трошки
- 2 чешниња лук
- 1 јајце
- мешани зачини (црвен пипер, коријандер, бибер, сол)
- 2 лажици магдонос ситно сецкан
- 1 главица кромид
- 1 пиперка
- 3 домати
- 200 гр. ориз
- 500 мл. вода
- 100 мл. сок од домати
- 2 лажички инстант супа од зеленчук
Подготовка
Подготовка на ќофтињата
Меленото месо помешајте го со лебните трошки, јајцето, ситно исецканиот лук, магдоносот и останатите зачини. Направете топчиња од месото и оставете ги на страна.
Водата, сокот од домати и инстант супата сварете ги.
Кромидот, пиперката и доматите ситно исечкајте ги. Во една тава ставете малку зејтин и испржете ги прво кромидот и пиперката. Кога ќе омекнат додадете ги доматите. Пржете додека да испари течноста, додадете го оризот, малку пропржете го и потоа додадете ја врелата вода со сокот од домати. Одозгора наредете ги ќофтињата и ставете да се пече на 200°С околу 25-30 минути.
Послужете со свежа салата.
Добар апетит!