Пилешки крилца во слатко кисел сос
Состојки
- 700гр. пилешки крилца
- 1 главица кромид
- 2 лажици соја сос
- 2 лажици домашен јаболков оцет
- 3 лажици мед
- 1 лимон
- 1 лажичка сенф
- 1 чаша(од 200мл) вода
- по потреба масло, сол, мелен црн бибер
Подготовка
Крилцата посолете ги и наросете ги со мелен црн бибер, а потоа ставете ги во загреано масло да се пржат.
Пржете додека убаво заруменат.
Извадете ги од тавата и во истото масло во кое се пржени крилцата додајте го ситно сецканиот кромид.
Откако кромидот ќе омекне во тавата додајте ги сенфот, соја сосот, јаболковиот оцет, медот, водата и лимонот исечен на кругови.
Оставете на тивок оган да поврие додека стане како сируп.
На крај во тавата со сосот додајте ги пржените крилца и оставете уште 2 минути да провријат заедно со сосот.