Кекс штанглички со капучино
Состојки
- 500гр мелени бисквити
- 100гр маргарин
- 1 кесичка капучино
- 200мл млеко
- 150гр шеќер во прав
- 100гр бела чоколада за готвење
Подготовка
Капучиното се раствара во загреаното млеко и се остава да се олади. Со оладеното капучино се замесуваат мелените бисквити и се меша со изматениот маргарин со шеќерот во прав. Смесата убаво се изедначува и се става во калап или се расплескува во соодветен сад. Се рамни убаво со влажен нож и се прелива со чоко глазура.
Овие коцки се лесни за подготовка и може да ги приготвуваат сами дечињата, а вкусни се и доста економични.