Штрудла со вишњи
Состојки
- 500гр брашно
- 30гр квасец
- 100гр маргарин
- 100гр шеќер
- 200мл млеко
- 2 јајца
- 1/2 лажичка сол
- фил
- 500гр вишњи
- 3 лажици гриз
- 100гр шеќер
Подготовка
Квасецот се става со млекото да стаса. Со веќе стасаниот квасец се замесува тесто со брашното, маргаринот, жолчките. Белките се матат во цврст снег, па се додаваат така изматени во тестото. Смесата се остава околу 30 минути да стаса.
Фил
Вишњите се чистат од семенките и се мешаат со гризот и шеќерот. Се оставаат така да одседат 10 минути.
Од стасаното тесто се сукаат две кори. Корите се премачкуваат со филот од вишњи и се ролаат од двете страни кон средината.
Ролатите се ставаат во подмачкан плех и се оставаат 15 минути да стасаат, па се премачкуваат со изматено јајце и се печат околу 40 минути на 180 степени.