Медитеранска тава со мелено месо
Состојки
- 500 гр. мешано мелено месо
- 2 тиквички
- 1 модар патлиџан
- 1 главица кромид
- 1 чешне лук
- 1/8 л. инстант супа од зеленчук
- 2 домати
- 100 гр. сирење
- 2 гранчиња рузмарин
- сол, бибер
- 1 лажиче црвен пипер
Подготовка
Вкусен летен оброк кој е брз и лесен за подготовка. Предност пред се е што е нискокалоричен.
Подготовка
Кромидот и лукот ситно исечкајте ги. Тиквичките излупете ги, преполовете ги и исечкајте ги на подебели кришки. Патлиџанот убаво измијте го и него исечкајте го на коцки. Доматите исечете ги на кришки а сирењето на мали коцки.
Во една подлабока тава ставете малку зејтин и испржете го меленото месо. Посолете, побиберете и ставете го црвениот пипер. Промешајте и тргнете го месото на страна. Во истата тава ставете ги кромидот и лукот да се динстаат. Кога кромидот ќе омекне додадете ги тиквичките и модриот патлиџан. Промешајте убаво и нив динстајте ги малку да омекнат. Ставете ја супата, поклопете со капакот и оставете на тивко да се динста околу 10-тина минути. Додадете го меленото месо и доматите. По потреба посолете и лесно промешајте. Динстајте уште 5 минути колку доматите малку да омекнат. На крај додадете го ситно исечканиот рузмарин и сирењето во коцки.
Послужете со чабата.
Овој оброк идеално се спрема во Гурмет 8 во 1 Пекачот.