Крцкави пилешки батаци во зачини
Состојки
- 4 пилешки батаци со карабатак
- 1 кг. компири
- 80 мл. зејтин
- 2 рамни лажици мешани зачини (босилек, оригано, мајчина душица, рузмарин)
- 3 чешниња лук
- 150 гр. црни маслинки
- 50 мл. суво бело вино
Подготовка
Батаците измијте ги и исушете ги со кујнска хартија. Компирите излупете ги и исечете ги на покрупно. Во една шољичка ставете го зејтинот, зачините и изгмечениот лук. Убаво промешајте за сите состојки да се спојат. Во една (керамичка) тава наредете ги компирите и посолете ги. Ставете ги и маслинките. Врз нив наредете ги батаците и посолете ги и нив. Сето тоа полијте го со виното и на крај со дресингот од зачини. Печете на 200°С околу 1 час или додека компирите омекнат, а батаците убаво зацрвенат.
Кожата на батаците спремени по овој рецепт е крцкава, а компирите се топат во уста. Секако зачините даваат посебен вкус на ова јадење.
Добар апетит!