Огледало глазура

Подготовка

Така како што прочитавте, право огледало. Да не беше толку лошо времето, сигурно ќе одсликав нешто подобро. Глазурата е повеке од добра, а сега за летните десерти и чискејкови да не зборувам колку е прекрасна. Во фрижицерот имам два колача со оваа глазура. Кколку се нервирам што не можам да ги сликам, не можам да им начекам времето, а веќе полека но сигурно ќе се изедат. Божемски нешто задскривам за да дадам приказ и од нив, ајде - можеби утре ќе ми се посреки. Сега за сега - повелете на Ваша понатамошна услуга оваа пре-прекрасна глазура која ќе знае да ве спаси од многу гафови доколку ги имате како што ги имам јас.. оваа глазура е прав спас...
 
Се спрема многу лесно
Во касеролата ставете павлаката, водата, шеќерот и какаото. На тивко ставете да се вари за цело време мешајки со лажицата за да го растворите какаото. Доволно е кога на целата површина има многу меурчиња. Тргнете од огнот, додадете го желатинот кој од самата топлина ќе се стопи.
- Земете цедалка и прецедете додека е топло. Потоа малку ја само почекајте да се подизлади и налејте врз колачот.
Уживајте и ви гарантирам дека ќе бидете пресреќни што колачот како и да сте го направиле за на „око“ - глазурата ке си ја заврши работата.

Забелешка
Уживајте и покрај мои многу овде постирани рецепти,  по овој рецепт ќе ме запаметите, сигурна сум. Па прекрасна е глазурата....
Оваа глазура дава многу можности, само вие креирајте..
Доказ дека е огледало. Погледнете како се одсликува небото над мене додека сликам, а во една од додатните фотографии ќе го видите апратот... јас тоа сликам.. хихи,