Пилешко во сос од зеленчук
Состојки
- 1-1,5 кг едно пиле
- 3-4 главици кромид
- 5-6 домати
- 2-3 цели пиперки
- 4 чешчиња лук
- по вкус сол и бибер
- 1 китка магданос
- 1 чаша ( 250 мл) вода
Подготовка
Пилето го сечеме на парчиња. Во длабока тава ставаме масло и кога ќе се загре го ставаме месото го пржиме со превртување од двете страни околу 15 -20 мин. Го додаваме исецканиот кромид на коцки или кругови и додаваме сол пржиме околу 15 минути. Ги додаваме и доматите исецкани на коцки. Пржиме додека течноста од доматот делумно да испари и додаваме една чаша вода, мешаме, ги додаваме и чешчињата, пробуваме повторно со солта додаваме и бибер. Кога малку водата ќе испари ги додаваме целите пиперки и магдоносот вариме додека да испари течноста делумно сосот треба да има и чорбичка да не се згуснува премногу.