Бабовка
Состојки
- 4 јајца
- чаша од 200 мл. шеќер
- 100 мл. масло
- чаша од 250 мл. брашно
- 1 кесичка (10 гр.) ванилин шеќер
- 1/2 пакетче пециво
- 2 мали лажички какао
- рендана кора од лимон (по желба)
- шеќер во прав за посипување или чоколадна глазура(100 гр. чоколада+3 лажици масло)
- 100мл топла вода
Подготовка
Бабовка е рецепт за мраморен куглоф во Чешка. Брзо се прави, лесен е мек, сочен......
Загрејте ја рерната на 200 степени, на плех 20х30 см. ставете хартија. Рецептот е за куглоф, но може да го правите и во друг калап. Ако го го правите во куглоф-намрсете го и обилно побрашенете го со брашно калапот.
Оделете ги белките од жолчките. Во белките ставете прстофат сол и изматете цврст снег од белки. Во жолчките ставете го шеќерот и изматете да добие пенаста смеса, додадете го маслото и топлата вода, уште малку на најмала брзина.
Во садот со жолчките додадете го брашното и пецивото, измешајте со шпатула или лажица, додадјте 1/3 од смесата со белки, измешјате да се соедини. Така направете и со останата 2/3 смеса.
Сипувајте 1/2 смеса во плехчето, во останатата половина ставете го какаото и измешајте да се соедини. Смесајата истурете ја како шари на белата, ишарајте со вилушка. Ставете да се пече во загреаната рерна околу 40-45 мин. Проверете со чепкалка за заби дали е готов колачот. Извадете да се подолади и посипете го со прав шеќер или чоколадна глазура, сечете парчиња по желба.
-Кај мене повеќе на какао отиде... Ч)